![](https://img.bomboradyo.com/baguio/2020/09/baguio-central-triage.jpg)
BAGUIO CITY – Kumpiyansa dagiti medical frontliners sadiay Baguio Central Triage a maakomodar dagiti amin a Locally Stranded Individuals (LSIs) ken returning Baguio residents (RBRs) kagiddan ti manamnama a panagsangbay dagiti turista ditoy lokalidad.
Iti panakiyuman ti Bombo Radyo kenni Dr. Roger Sinot Jr., Physical Medical Officer III ti Department of Education-Baguio; kinunana nga umdas ti pwersa dagitoy a mangasikaso kadagiti LSIs, RBRs ken dagiti turista a dumalan iti triage.
Sigun kenkuana, agtultuloy ti panagala ti lokal a gobierno kadagiti kanayunan a pwersa dagitoy a mangwanawan iti agpatnag nga operasion ti nasao a pasilidad.
Inlawlawagna a dakkel a tulong iti operasionda ti tallo a bulan a kapadasan dagiti medical frontliners sadiay Saint Vincente Triage Center tapno makabisadoda ti sistema iti kabarbaro a triage area ti siudad.
Imbinglayna nga adda ti tallo a booth sadiay Baguio Convention Center a nakaipasdekan ti Centralized Triage no sadino siyam nga indibidual ti kanagatuan a kapasidad ti tunggal booth bayat a 10 ti maakomodar iti waiting area ti triage.
Kinunana pay a nagduma ti maipatpatungpal a sistema ti swabing ken triaging kadagiti turista ken LSIs adda ti mobile clinic para iti x-ray.