--Ads--
BAGUIO CITY – Natiliw ti maysa a mekaniko a maibilbilang a High Value Target iti buy-bust operation nga insayangkat dagiti otoridad sadiay Loakan Proper, Baguio City idi rabii.
Nabigbig daytoy a ni Jumar Derpo Mayos, 28-anyos ken residente ti Bakbakan, Asin Road, Baguio City.
Nakumpiskar kenkuana ti lima a pakete ti mapapati a shabu nga agdagsen ti mapattapatta a 5 grams ken aggatad ti P34,000.
Narekober metlaeng kenkuana ti naaramat a buy-bust money.
Kinuna ti PDEA-Baguio a nabayag a binanbantayanda ni Mayos gapu iti panagbalin daytoy a supplier ti iligal a droga ditoy Baguio City.
Sumango ni Mayos iti kaso a panaglabsing iti RA 9165 wenno iti Comprehensive Dangerous Drugs Act of 2002.
