Pimmusayen iti tawenna a 29 ti forward iti Memphis Grizzlies a ni Brandon Clarke, sigun iti bunggoy daytoy idi kalman. Awan pay ti nairuruar a rason iti ipupusayna.
Iti official statement, kinuna iti Grizzlies a maladingitanda iti pannakaawan ni Clarke. Inladawanda kas maysa a nalaing a player ken nasayaat a tao a nangibati iti dakkel a kontribusion iti organisasion ken iti Memphis community.
Ni Clarke, maysa a Canadian a naipasngay idiay Vancouver, ket napili kas maika-21 overall pick iti 2019 NBA Draft iti Oklahoma City Thunder sakbay a dagos a ma-trade iti Grizzlies idi draft night.
Iti pakabuklan a karerana iti NBA ket binusbosna iti Memphis.
Nagbalin a paset metlaeng daytoy iti NBA All-Rookie First Team idi 2020.
Maipalagip a nalimitaran ti panagay-ayamna iti 2025-2026 season gapu kadagiti injury iti tumeng ken saka. Nangiruar metlaeng ti panakipagladingitna ni NBA Commissioner a ni Adam Silver iti pamilia, gagayyem, ken organisasion iti Grizzlies.
