--Ads--
BAGUIO CITY – Nakemmeg ti maysa a menor de edad a babai kalpasan a nagdukot iti deppaar ti overpass sadiay Abanao Street, Baguio City idi kanikadua.
Sigun iti pulisya, ti suspek ket 16-anyos, estudyante, tubo ti Naguilian, La Union ken residente ti Baguio City.
Maibasar iti imbestigasyon dagiti pulis, magmagna iti nasao nga overpass ti 19-anyos nga estudyante a biktima idi nadlawna a mapukpukaw ti cellphone-na nga aggatad ti agarup P13,000.
Babaen met iti tulong dagiti maseknan nga umili ket balligi a nakamat ken natengngel ti maysa kadagiti suspek.
Narekober iti nakemmeg a menor de edad ti mapukpukaw a cellphone ti biktima idi naiturong daytoy iti istasyon ti pulisya. (-with Bombo Brigitte Marcasi)
