Inlawlawag ni Dominga Gadgad, Regional Vice President iti PhilHealth–Cordillera, nga iti sidong iti Universal Health Care Act, mabalin a maka-avail iti benepisio dagiti miembro uray awan ti naitinnagda, lakitdi adda ti PhilHealth Identification Number wenno PIN.
Kinunana a saanen a kasapulan ti tallo a bulan a kontribusion a kas idi, ken saanen a “required” ti ID wenno Member Data Record.
Nu manapeknekan a miembro, saanen a kasapulan nga agturong iti opisina ti pasiente.
Nakipaset ni Gadgad iti panangbendision iti baro a Local Health Insurance Office iti siudad ti Tabuk idiay Kalinga a panggepn nga aramiden nga ad-adda nga accessible ti serbision iti ahensia.
Kagiddan daytoy, nangidonar ti lokal a gobierno iti siudad iti 1,000 square meter a daga para iti panggep a panangibangon iti permanente a pasdek iti PhilHealth.
Naisayangkat metlaeng ti forum seknan iti Yaman sa Kalusugan Program wenno YAKAP ken GAMOT program kas paset iti maika-31 nga anibersario iti PhilHealth idi Pebrero 19, 2026.