BAGUIO CITY – Nakemmeg ti maysa a miembro ti maysa a bolt cutter/ acetylene robbery group kalpasan nga inserbi dagiti pulis ti warrant of arrestna sadiay Poblacion, La Trinidad, Benguet.
Nabigbig daytoy a ni Wilfredo Gunadan Dio-allan aka “Bots Botinguey”, 46-anyos, negosyante ken residente ti Bago, Bakun, Benguet.
Sigun iti Cordillera PNP, ni Dio-allan ket miembro ti Jepson Beligen Bolt Cutter/ Acetylene Robbery Group nga addaan operasyon iti entero a pagilian.
Impaulog met ni Municipal Trial Court in Cities (MTCC) Branch 4, Baguio City Presiding Judge Maria Casuga-Tabin ti nasao a warrant of arrest gapu iti kaso ni Dio-allan a robbery nga addaan ti nairekomendar a piyansa a P200,000.
Sigun iti pulisya, ti akusado ket karaman iti kasi a robbery a napasamak idi napalabas a March 11 iti pawnshop ken appliance center sadiay Marcos Highway ken maysa pay ti akusado kadagiti suspek iti kaso a robbery with intimidation a napasamak idi napalabas a March 19 iti maysa a pagtagilakuan sadiay Km. 4, Pico, La Trinidad, Benguet.
