--Ads--
BAGUIO CITY – Nakemmeg ti maysa a lalaki iti naisayangkat a buy-bust operation kontra kenkuana sadiay Shanum St., AZCKO Barangay, Baguio City.
Nabigbig daytoy a ni Robert Banta Serrano, 37-anyos, awanan trabaho, awanan trabaho ken residente ti Asin Road, Baguio City.
Maibasar iti report ti PDEA-Cordillera, nakumpiskar manipud iti suspek ti maysa a sachet ti mapapati a shabu ken P1,000 a buy bust money.
Sigun iti ahensia, ni Serrano ket nabayagen a miembro ti maysa a drug group nga addaan operasyon iti siudad ti Baguio ken munisipyo ti La Trinidad sadiay Benguet.
Sumangsango met ita ti suspek iti kaso a panaglabsing iti RA 9165 wenno iti Comprehensive Dangerous Drugs Act of 2002.
