Imbutaktak ti Philippine National Police (PNP) ita nga aldaw a mismo a dagiti miembro ti simbaan a Kingdom of Jesus Christ (KOJC) ti nangdangran ti bukodda a bagi tapno paruwaren nga aramid daytoy dagiti kameng ti pulisia idiay Davao City.
Sigun kenni Colonel Jean Fajardo, pannakangiwat ti Philippine National Police, iggemda ita ti ebidensya a mangpaneknek ti kinadesperadoda a maiparang a dagiti kameng ti pulisia ti mismo a mangdangdangran kadakuada.
Kinunana nga ur-urayenda laengen a maberipikar ken ma-authenticate ti video nga ebidensia kontra kadagiti miembro ti nasao a simbaan.
Kasaruno ti maiwarwaras a damag a dagiti kameng ti pulisia ti mangdangdangran kadagitoy.
Inlawlawag ni Fajardo a dagiti miembro ti nasao a simbaan ti mangpukpukkaw ti saan a nasayaat, ken mangdangdangran kadagiti miembro ti pulisia iti aglawlaw ti compound iti simbaan a Kingdom of Jesus Christ.
Nupay kasta, agtaltalinaed latta a saanda a dangdangran dagiti miembro ti nasao a simbaan ken agtultuloy ti panagtrabahoda kas pannakabagi ti linteg.
