Opisyalen a nailukat ti the Mighty Buthen Art Exhibit iti Atrium iti kadakelan a mall iti syudad ti Baguio idi laeng kalman.
Ti Mighty Buthen Art Exhibit ket buklen dagiti artist a da Kabunyan De Guia, Guiller Lagac, ken Oliver Olivete.
Ni Kabunyan De Guia ket putot ni Kidlat Tahimik, maysa a national artist iti pagilian a Pilipinas ken daytoy ti nagaramid iti “Iliklikha” iti siudad ti Baguio.
Dagiti tallo ket nabayagen nga agkakadua no sadino agarup dua pulo a tawen ti panagkakaduada.
Sigun kadakuada daytoy nga art exhibit a napasamak ket isu ti umuna a gundaway nga isayangkatda iti syudad gapu ta kadawyan ket mapaspasamak sadiay Manila.
Nakasabar met iti kapadasan dagitoy dagiti obrada a mosaic, portable a naaramid babaen iti tiles ken daduma pay a recyclable materials.
Ti exhibit ket silulukat kadagiti kayatda a gumatang ngem daduma kadagitoy ket saan a mabalin a mailako.
Daytoy ket silulukat para iti publiko agingga Pebrero 15, 2025.
Kabayatanna, nagyaman met dagiti tallo nga artist iti oportunidad a naipaay kadakuada tapno maka-art exhibitda iti syudad.
Maguyguyugoy met dagiti turista ken residente iti syudad a bisatenda ken gumatangda kadagiti obra dagitoy.//Bombo Noveh Organo
