--Ads--
BAGUIO CITY – Maisayangkat ti Migrant Worker’s Day 2025 iti Baguio Convention Center and Cultural Center inton bigat.
Gapu iti dayta, al-allukoyen ti Overseas Workers Welfare Administration dagiti amin a pamilya dagiti Overseas Filipino Workers a makipaset iti nasao a selebrasyon.
Para ita a tawen, addaan daytoy iti tema a “Migranteng Manggagawang Pinoy: Haligi ng Pamilya at Bansa,” a mangbigbigbig iti dedikasyon, sakripisyo dagiti migrant workers kas pillar ti maysa a pamilya ken ti pagilian.
Dagiti manamnama nga aktibidad a maipatungpal ket ti Cultural dance competition, raffles, libre a check-up, medisina, vitamins ken daduma pay.
Iti agdama, saan a mailibak a dagiti Overseas Filipino Workers ket isu ti mabigbigbig kas modern-day-heroes.
