Plano ti militar ti Pilipinas a maala ti US Typhon missile system tapno masalakniban ti interes iti baybay, a dadduma kadagitoy ket nag-overlap iti China.
Ti mid-range missile system ti US Army ket naikabil iti amianan a Pilipinas iti umuna a bulan iti agdama a tawen para iti tinnawen a joint military exercises kaduana ti nabayagen nga kaalyadona, ken naikeddeng a maibati sadiay iti laksid ti pammabalaw ti Beijing a magdestabilize daytoy iti Asia.
Sipud idi, inaramat daytoy ti puersa ti Pilipinas tapno masanay para iti operasion dagitoy.
Ti inisiatiba wenno addang ket paset ti kolaborasion ti Philippine Army kaduana ti Philippine Navy and Philippine Air Force a salakniban ti “maritime” ken “airspace” ti Pilipinas iti baet ti panangikalintegan ti China a kukuada ti baybay ken ti agresibo a tignay dagitoy iti South China Sea.
Ti kaadda ti US missile launcher iti amianan a Pilipinas ti nangrurod iti Beijing, a dagiti puersa ti navy ken coast guard ket nakipaset iti kumarkaro a komprontasion kadagiti napalabas a bulan iti Pilipinas gapu kadagiti mapagsusupiatan a reef ken danum iti South China Sea.
Kinondenar ti Beijing ti desision dagitoy a mangala ti US Typhon missile system gaputa patienda a napeggad a tignay daytoy.
