--Ads--
Nailista ti MIMAROPA ken Region 9 a kangrunaan a naapektaran iti Tropical Cyclone Crising ken Southwest monsoon iti pagilian.
Maibasar iti datos, agarup 1, 896 dagiti naapektaran a pamilya iti MIMAROPA bayat nga agarup 1,529 a pamilya ti naapektaran iti Region 9.
Kabayatanna, 76 a siudad ken munisipyo ti naapektaran iti Power supply gapu iti nasao a bagyo.
Nupay kasta, kinuna ti National Disaster Risk Reduction and Management Council (NDRRMC) a 53 a lugar ti naisublin dagiti silawda.
Kaaduan kadagiti naapektaran iti power outages ti CALABARZON Region.
Mainaig iti dayta, dumanon iti P165 million ti gatad dagiti nadadael nga imprastraktura iti pagilian.
