BAGUIO CITY – Impetteng ti Lepanto Consolidated Mining Company nga awan ti naan-amuanda a reklamo dagiti maseknan nga umili iti mismo a mining site dagitoy sadiay Mankayan Benguet, partikular sadiay Barangay Paco.
Sigun kenni Butch Mendizabal, Communications Head ti kompanya, awan ti ammoda seknan iti reklamo dagiti umili iti nasao a lugar ken saanda nga ammo ti mapaspasamak iti mismo a paset ti pagminasan.
Impasiguradona met a mangipaayda a dagus iti sungbat iti reklamo dagiti umili iti kanito a masukimatda ti napasamak nga earthmoving sadiay tapno makaipaayda iti detalyado a komento ken sungbat kadagiti umili nga agrekreklamo.
Maipalagip a nagturong ditoy Bombo Radyo dagiti maseknan nga umili ti Barangay Paco ken inreklamoda ti panag-bulldozer ti kompanya iti paset ti bantay sadiay nga agsersebi a pundasyon ti ili dagitoy a nangitunda iti panakadadael dagiti sumagmamano a pine tree.
Inreklamo met dagiti umili ti Barangay Pacda nga imbes a rehabilitasyon ti aramiden ti kompanya ket panangdadael iti aglawlaw ti ar-aramiden dagitoy gaputa daddadaelen ti kompanya ti nabatbati a paset ti daga a pagin-inagawan ti kompanya ken dagiti umili.
————- Filipino translation ————-
BAGUIO CITY – Iginiit ng Lepanto Consolidated Mining Company na walang naiparating sa kanila na reklamo ng mga mamamayan sa mismong mining site ng mga ito sa Mankayan Benguet, partikular sa Barangay Paco.
Sa panayam ng Bombo Radyo kay Butch Mendizabal, Communications Head ng kompanya, sinabi niya na wala silang alam kaugnay sa reklamo ng mga mamamayan sa nasabing lugar at hindi nila alam ang nangyayari sa mismong minahan.
Tiniyak naman nito na magbibigay agad sila ng kasagutan sa reklamo ng mga mamamayan sakaling maimbestigahan nila ang nangyaring earthmoving activities doon upang masagot din nila ang mga nagrereklamo.
Una nang nagtungo sa Bombo Radyo ang ilang residente ng Barangay Paco at inireklamo nila ang pag-bulldozer ng kompanya sa bahagi ng bundok na nagsisilbing pundasyon ng kanilang lugar na nagresulta sa pagkakaputol ng ilang pine trees.
Inireklamo naman ng mga residente ng Barangay Pacda na sa halip na rehabilitasyon ang gawin ng kompanya ay sinisira nila ang kapaligiran, lalo na ang natitirang bahagi ng lupa na pinag-aagawan ng kompanya at mga mamamayan doon.
