Misis, pimmusay kalpasan a nagaburan iti nargaay a daga sadiay Sagada, Mt. Province

BAGUIO CITY – Pimmusay ti maysa a babae kalpasan a nagaburan iti daga sadiay Aguid, Sagada, Mt. Province idi kalman.

Nabigbig ti biktima a ni Anita Gonsoden Bogenggeng, 58, ken residente iti nasao a lugar.

Segun iti Sagada Police, nakita laengen ti maysa a concerned citizen ti bangkay ti biktima iti irrigation canal sadiay Sitio Kotkotwale, Aguid, Sagada.

Mapapati a nagaboran daytoy iti nargaay a daga gaputa nasarakan daytoy a nabalkot iti daga.

Naamoan a nagsagrap pay daytoy iti sugat iti ulona.

Dagus met daytoy nga inturong dagiti pulis iti balayda sadiay Aguid, Sagada.