Insubli ni Miss Grand Myanmar Thae Su Nyein ti korona daytoy kas second runner-up iti Miss Grand International Organization gapu ta mamati daytoy a saan nga umno ti nagbalin a desisyon ti nasao nga organisasyon.
Iti naipatungpal a no-makeup live ti beauty queen itay nabiit, impeksana a nasakitan daytoy gapu ta saan a daytoy ti nabigbig kas Country Power of the Year awards nu diket ni Miss Grand Thailand Malin Chara-anan.
Sigun kenni Miss Grand Myanmar, makita ti pamaneknek a daytoy ti nangabak iti nasao a kategorya babaen kadagiti nagduduma a social platform ti Miss Grand International.
Inlawlawag ni Nyein a ti panagsangitna iti entablado kalpasan ti panakaiwaragawag dagiti nangabak ket gapu iti panakariknana iti asi kadagiti “kababayan” daytoy a mangipukpukaw a daytoy ti nangabak bayat nga iggemda ti bandera ti pagilian a Myanmar.
Kabayatanna, tinerminate ni Miss Grand International president Nawat Itsaragrisil ti franchise dagitoy iti nasao a pageant kalpasan a saan a balligi a naala ni Nyein ti korona.
