Panggep ti Department of Agriculture (DA) nga ileppasda iti umuna a quarter ti 2026 ti manarimaan nga audit ti farm-to-market roads (FMRs) iti pagilian.
Sigun kenni DA spokesperson Assistant Secretary Arnel de Mesa, 1,000 paylaeng dagiti tinurongda manipud kadagiti 4,700 a FMRs.
Innayon ti nasao nga opisial a walo dagiti “missing projects” manipud kadagiti 1,000 nga FMRs a nasukimatda sadiay Davao Occidental.
Napunduan dagiti “Missing projects” iti P100 million manipud 2021 agingga 2023 ngem saan a naaramid, maibasar iti inisyal nga audit.
Maipalagip nga immuna a kinuna ni De Mesa a dagiti walo a “missing” projects ket naireport a nalpasen.
Nupay kasta, awan ti “records of accomplishments” daytoy sipud September 2025.
Inyunay-unay ti DA a ti pannakaaramid dagiti FMRs ket iggem ti Department of Public Works and Highways (DPWH) iti baet a magapu kadagitoy ti pondo.
