Agsagsaganan ti Metropolitan Manila Development Authority (MMDA) para iti panakaisayangkat ti Trillion Peso March inton February 25 iti EDSA Shrine kagiddan ti panakalagip ti maika-40 nga anibersaryo iti Edsa People Power revolution.
Sigun iti MMDA, dumanon iti 30,000 a raliyista ti namnamaenda a dumar-ay iti nasao a tignay.
Karaman kadagiti safety measures a naisagana ti panakaideploy dagiti ambulansya, dump trucks, portalets,tow trucks,mobile patrol units, motorcycle units, ken plastic cones ken barriers partikular kadagiti strategic locations.
Manamnama metlaeng a mawayaan dagiti emergency lane para kadagiti medical responders ken law enforcement units.
Kasta met a maideploy dagiti traffic enforcers kadagiti key points ken nangitudingda kadagiti rerouting schemes para kadagiti pribado ken parapubliko a luglugan.
