Nainget a pinaglibakan ni Metropolitan Manila Development Authority (MMDA) General Manager ken sigud a PNP Chief Nicolas Torre III dagiti damag a mangibagbaga nga agkandidato daytoy kas mayor idiay Davao City iti sumaruno nga eleksyon.
“Para malinaw: wala akong sinabing tatakbo akong Mayor ng Davao. At wala rin akong inanunsyong pagtakbo sa anumang local o national position. Kaya huwag muna nating pangunahan ang kuwento. Marami pa tayong trabaho. ,” sigun iti pablaak ni Torre.
Inlawlawagna a nagramot ti sayangguseng iti maysa a komento ti netizen iti social media. Gapu iti daytoy, napartak a nagwaras ti bidut nga impormasyon.
Sigun pay kenkuana, nakapokus ita daytoy iti trabahona iti MMDA ken impettengna a saan a kasapulan a dumanon ti eleksyon tapno mangipaay iti serbisyo. //bombokaren.c.sapirao
