Temporaryo nga inikat ti Metropolitan Manila Development Authority (MMDA) iti clearing operation ni MMDA Special Operations Group-Task Force Road Clearing (SOG-TFRC) chief Gabriel Go kabayatan iti imbestigasyon seknan iti maatap a nakairamananna a viral video.
Iti statement ti nasao nga opisina idi kalman, dinakamat ti ahensya a nakadanon kadakuada ti agwarwaras ita a video a nakairamanan ni Go no sadino adda pakainaiganna iti saan a nasayaat a wagas iti panangsita na iti masya a lalaki a mannursuro nga agmanmaneho iti motorsiklonga awan ti suotna a helmet.
Innayon pay ti nasao nga opisina a nakaawatda kadagiti surat manipud kadagiti nagduduma a grupo seknan iti napasamak nga insidente.
Impakaammoda met a mannarimaan ti imbestigasyonda tapno tingitingenda nu adda ti kasapulan a sungbatan ni Go.
Naipatulod metlaeng ti show cause order kenni Go a mangbilbilin kenkuana nga agisumitir iti pammalawag seknan iti napasamak nga insidente.
Bayat iti panangtulid ti imbestigasyon , kinuna ti nasao nga ahensya a saan pay laeng a mapalubosan a makipaset ni Go kadagiti clearing operations. //bombokaren.c.sapirao
