--Ads--
Nagballaag ti Philippine National Police iti publiko kalpasan a naduktalan a maus-usar iti vote-selling ken vote-buying ti Mobile Wallets ken Automated Teller Machine (ATM).
Iyunay-unay ti Police Regional Office Cordillera iti pablaak daytoy a ti vote-selling ken vote-buying ket maiparit kas nakalanad iti iti Omnibus Election Code (BP 881, Section 261).
Dagiti mapaneknekan a mangipatpatungpal iti daytoy ket madusa.
Mabalin a maibalud iti maysa agingga innem a tawen, madiskwalipikar nga agtugaw iti aniaman a posisyon iti gobyerno ken saanen a mabalin nga agbutos pay iti eleksyon.
Impaganetget ti PNP a saan nga ilako ti botos agsipud ta sagrado daytoy.
Ginuyogoy pay ti PNP ti publiko nga ireportda ti modus ti vote-buying ken vote-selling.
