--Ads--
Awan paylaeng ti naaprubaran wenno naipaay a modern unit ti van para kadagiti transport corporations nga agbibiyahe sadiay Halsema Highway.
Sigun kenni Juliet Dupingay iti Goldtown UV-Lepanto-Baguio Corp., ur-urayenda paylaeng ti maipaay kadakuada a modern unit ti van nga isu’t pangsukat dagitoy kadagiti agdama nga ar-aramatenda a kita ti lugan.
Kinuna ni Dupingay nga umanamongda iti modernization program a programa ti gobyerno ti Pilipinas nopay kasta, makitkita a ti modern van ket saanna a kaya a dalyaten ti Halsema highway gapu iti bakurba-kurba a kalsada.
Iti agdama ket awan pay kadakuada ti mangar-aramat iti baro a unit ti lugan bayat a dumanon iti 35 units a lugan ti agbibiyahe iti Baguio-Lepanto ken vice versa.
