--Ads--
BAGUIO CITY – Nagballaag manen ti Baguio City Police Office kontra iti modus dagiti managgundaway nga indibidwal.
Segun iti Baguio City Police Office – Station 7, ada dagiti indibidual a mangilaklako iti bogus nga scratch-it card nga addaan iti winning number.
Naamuan nga irason dagiti suspek nga awan ti orasda a mangipasukat iti nangabak a card dagitoy isut gapuna nga ilakoda.
Nupay kasta, iti kanito nga ipasukat ti biktima ti nasao a card ket saan met daytoy a nangabak.
Gapu iti daytoy, impalagip ti BCPO – Station 7 a nasken a saan nga agtalek ti publiko kadagiti saanda nga am-ammo.
