BAGUIO CITY – Nauram ti maysa a pagtaengan sadiay Suyoc, Topdac, Atok, Benguet idi kanikadua.
Sigun iti Atok PNP, ti nasao a balay ket tagikua ti agasawa a Maximina Compalas, 42-anyos, mannalon ken Leonard Compalas, 47-anyos, mannalon.
Dagus a nagresponde ti nasao nga istasyon ti pulisya, kaduada ti Atok Fire Station apaman a naawatda ti tawag seknan iti nasao nga uram.
Maibasar iti imbestigasyon, napasamak ti uram iti agarup alas kwatro ti malem idi kalman ken ginandat pay dagiti umili a sebseban daytoy.
Nupay kasta, napaay dagitoy a nagresulta ti naan-anay a panakauram ti nasao a pagtaengan.
Naduktalan a faulty electrical wirings ti rason iti napasamak nga uram a nagresulta iti dadael nga agarup nasurok P500,000.