BAGUIO CITY – Mangrugin ti panagrikus dagiti kameng ti Public Order and Safety Division (POSD) kadagiti nagduduma a car wash shops iti siyudad.
Kasaruno daytoy ti pammilin ni Mayor Benjamin Magalong.
Daytoy ket maipapan paylaeng iti aksyon ti city government tapno malimitaran ti pannakausar ti danum kagiddan iti bumabbaba a level iti danum iti water shed ti siyudad.
Sigun kenni Mayor Magalong, nailawlawag kadagiti agop-operate ti carwash ti nasao nga aksyon ti opisina nu sadino babaen iti panangiwanawan dagitoy ket mabantayan ti umno a panakaaramat ti suplay ti danum.
Kabayatanna, kinuna met Darryl Kim Longid, dadaulo ti Public Order and Safety Division a naikkan dagitoyen ti direktiba manipod kenni mayor Magalong a bisitaenda dagiti carwash shops tapno paregtaen dagitoy a mangkissay iti consumptionda ti danum.//Bombo Jez Lapizar
