BAGUIO CITY – Saan nga apektado ti morale dagiti kameng ti Abra Provincial Police Office iti baet dagiti kontrobersyal a sangsangwen ti Cordillera PNP.
Kasaruno daytoy iti pannakaipila ti kaso a murder ken perjury kadagiti sumagmamano a nangangato nga opisyal ken kameng ti Police Regional Office Cordillera (PROCOR) ken pannakaiyakar wenno pannakasukat kadagiti amin a personel ti Pilar Munisipal Police Station
Maipalagip a dagus a naikkat dagiti personel ti Pilar MPS idi kalman ken naisukat dagiti kameng ti Regional Mobile Force Company 15 (RMFB15) kasaruno iti pammilin a naawat ti Cordillera PNP manipod iti PNP Chief a masukatan dagitoy gapu paylaeng iti napasamak a shootout a nakairamanan ti pwersa ti maysa a kandidato ti Pilar, Abra para iti panakaipasigurado ti Security, Accurate, Fair, and free Election (SAFE election) iti munisipyo.
Iti interview ti Bombo Radyo Baguio ken Abra PPO Public Information Officer Pol. Maj. Edwin Sergio, ad-adda a ngimmato ti morale dagitoy nga agserbi iti publiko
Kinunana a karit kadakuada ti napasamak tapnu ituloyda nga aramiden nga umno ken pudno ti mandatoda para iti panagtalianed ti linak ken kapya iti umadani nga eleksyon.
