Arigna a burburcha ita kadagiti kameng ti Federal Bureau of Investigation (FBI) ti motibo ni Thomas Matthew Crooks iti panangpaltogna kenni sigud a US President Donald Trump iti baet nga addaan daytoy ti nasayaat nga imahe, sigun kadagiti makaam-ammo kenkuana.
Iti panakiuman ti Bombo Radyo kenni Jun Delfrado Villanueva, Bombo International News Correspondent – Estados Unidos, ti nasao a krimen ket imbilang dagiti otoridad kas domestic terrorism nu sadino posible a maymaysa ni Crooks a nangplano iti daytoy.
Immunan a nabigbig a ti suspek ket agtawen laeng ti baente babaen iti DNA ken facial recognition technology.
Bayat a narekober met ti semi-automatic AR15 riffle a maatap nga inaramat daytoy a nakarehistro iti nagan ti amana.
Innayon ni Villanueva a malaksid iti AR15 semi-automatic riffle, narekober pay iti lugan ni Crooks dagiti maatap a bomba.
Kabayatanna, sumagmamano kadagiti makaam-ammo kenni Crooks ti naklaat a nabaelanna nga ubraen ti nasao a krimen gapu ta am-ammoda daytoy kas “nice kid” a kanayon a makaala ti nangangato a grado ken naissem iti pakastoryaan.
Malaksid iti dayta, nakarehistro pay ni Crooks kas republican voter, ti political party a nakairamanan ni Trump.
maibasar kadagiti interviews kadagiti kakabagyan wenno dagiti gagayyem ken dagijay classmates daytoy suspect nga daytoy, daytoy suspect ket medyo tahimik lang kunada met, haan met a nariribuk unay, saan a makiin-innapa.
Jun Delfrado Villanueva-Bombo International News Correspondent-USA
Iti baet dayta, makikokoordinar met ti pamilya ni Crooks kadagiti otoridad para iti a gtultuloy nga imbestigasyon iti nasao a krimen.
Kabayatanna, binilin met ni US President Joe Biden dagiti kameng ti United States Secret Service nga adalen dagitoy a naimbag ti seguridad dagiti protprotektaranda a presidente tapno saanen a maulit pay ti kapada nga insidente.//Bombo Rob Dominguez
