--Ads--
Pimmusay ti motorcycle rider iti aksidente idiay Dantay, Barangay Alab Oriente, Bontoc, Mountain Province itay laeng malem.
Ti biktima ket ni Ambrosio Dumagos manipud Kilong, Sagada, Mountain Province.
Maibasar iti report ti Bontoc Emergency Operations Center, nakaawatda ti awag manipud iti maseknan nga umili seknan iti napasamak nga aksidente ti motor.
Dagus met a nagturong dagitoy iti nasao a lugar ken ditoy a nadanunanda ti biktima ngem pimmusay daytoyen gapu iti traumatic brain injury secondary to a motorcycle accident.
