Mabalballaagan ti publiko seknan iti nasayaat a panagparada ti motorsiklo ken panangikabil kadagitoy iti natalged a lugar.
Kasaruno ti pannakauram ti motorsiklo ti maysa nga studiante itay laeng kanikadua idiay Lanas, Loo, Buguias, Benguet.
Iti interview ti Bombo Radyo Baguio kenni Samyn P. Banario, studiante ti Benguet State University ken agtagikua iti nauram a motorsiklo, inparadana ti XR150 a motorna iti sanguanan ti gate asideg ti oval idiay Loo iti oras ti alas sais ti malem.
Nagturong ni Banario iti “boarding house” dagitoy tapno ikabil ti abasto nga inalana ken naginana gaputa nagtaud pay daytoy manipod idiay Mankayan, Benguet .
Ngem iti kinabigatanna, adda ti indibidual a nang-awag kenkuana tapno ibaga a nauram ti motorsiklo daytoy.
Dagos a nagturongda iti nangiparadaanna ti motor ket nakumpirmar a kukuana ti nauram.
Mapatta-patta a nauram ti motorsiklona iti oras ti alas 10 agingga 11 ti rabii iti daydi metlaeng a petsa.
Nagturung metten ni Banario iti Abatan Police Station tapno ipa-blotter ti napasamak ken tapno maimbestigaran nu siasinno ti nanguram ti motorsiklo daytoy.
Padaanan ti kanayunan a detalye…
