Nakoronaan dagiti baro a Mr. ken Miss Buguias 2025 itay napalabas.
Nagun-od ni Mr. Poblacion Kurt Taynan ti korona kas Mr. Buguias 2025 bayat a ti Miss Catlubong a ni Claudine Tokiyas ti nakoronaan kas Miss Buguias 2025.
Nabigbig met ni Mr. Baculongan Norte ken Miss Baculongan Sur kas First runner-up; da Mr. Amlimay ken Miss Bangao ti Second runner-up; da Mr. Baculongan Sur ken Miss Poblacion ti Third runner-up ken da Mr. Loo ken Miss Abatan ti Fourth runner-up.
Iti sabali a bangir, nabigbig met laeng dagiti best ken biggest a nateng sadiay Buguias, Benguet.
Ti pammadayaw para iti best ken biggest a patatas ket naala ti Barangay Abatan; para iti repolyo, nagun-od daytoy ti barangay Natubleng; ti carrot ket naala ti barangay Catlubong; ti wombok ket naala ti barangay Sebang; lettuce ket ti barangay Baculongan Norte ken ti brocolli ket ti barangay Calamagan.
Kabayatanna, nakalukat dagiti sangapulo ket uppat nga agri-booth sadiay Buguias a kaidiadiayaan dagiti nagduduma a produkto a kas kadagiti nateng ken daduma pay.
