--Ads--
Nagbalinen a Php52 tunggal kilo ti Maximum Suggested Retail Price kadagiti imported a bagas sipud February 15, 2025.
Daytoy ket nababbaba ngem iti sigud a PhP55 tunggal kilo a naituding kadagiti napalpalabas nga aldaw.
Immuna metten a naipaiyulog ti Maximum Suggested Retail Price a Php58 tunggal kilo kadagiti imported a bagas nu sadino, ti PhP52 iti agdama ket maikaduan a gundaway a naibaba daytoy
Mainaig iti dayta, impanamnama met ni Department of Agriculture Assistant Secretary for Special Concerns and Official Development Assistance Arnel de Mesa nga ad-adda pay a bumaba ti MSRP iti agingga PhP49 tunggal kilo inton bulan ti Marso.
