Inwaragawag ti lokal nga otoridad idiay Davao del Sur a temporaryo a maiserra iti publiko ti panagsang-at idiay Mount Apo manipod June 1 agingga Agosto trentay uno iti adama a tawen.
Iti impaulogda a pakaamo ita nga aldaw iti social media account dagitoy, kinuna ti Tourism Development and Culture Promotions Office iti nasao a probinsia a ti pannakaiserra ket gapu iti tinnawen a rehabilitasion.
Kiniddaw ti nasao nga opisina ti pannakawat ti publiko tapno ad-adda a mapapintas ti nasao a pagpasyaran.
Maipalagip a nasusupindir metlaeng ti panagsang-at ken panagkamping iti nasao a pagpasyaran agingga Abril a trenta gapu iti peggad iti “wildfire” manipod iti El Niño phenomenon.
Ti Mount Apo wenno pagaamo metlaeng nga Apo Sandawa ket maysa a “dromant volcano” ken maibilang kas kangatuan a bantay idiay Mindanao.
