--Ads--
MANKAYAN, BENGUET – Agrugrugin a madadael dagiti sumagmamano a mula a repolyo ken patatas idiay Cada, Balili, Mankayan, Benguet kalpasan a naapektaran iti andap wenno frost.
Sigun kenni Janice, ti na-andap a repolyo ket nasurok maysa bulan pailaeng a naimula bayat a ti patatas ket dua a bulan ken naituding a maapit inton umay a bulan.
Innayon ni Janice a mabalin nga agrekober pailaeng dagiti na-andap a repolyo ngem adda latta dagiti saan nga agsurvive wenno makasalat.
Gapu iti daytoy, maksayan wenno bassit ton ti maapit nu dumteng ti tallo a bulan.
Kinuna ni Janice nga urayenda laengen ti sangapulo nga aldaw sakbayda nga apiten ti patatas.
Naapitda metten dagiti na-andap metlaeng a broccoli ngem adda dagiti naibelleng gapu ta nadadael.
