--Ads--
Naapektaran dagiti mula dagiti mannalon iti munisipyo ti Atok, Benguet gapu iti panagdalapos ti bagyo a Pepito.
Iti panakiuman ti Bombo Radyo kenni Vice Mayor Angelito Galao, kinunana a dagiti mula dagiti sumagmamano a mannalon ket saanen pay a tumubo gapu ta dinadael daytoy ti napigsa nga angin ken tudo ti bagyo a Pepito.
Malaksid iti dayta, nadadael wenno napigis met laeng dagiti green house.
Sigun kenni Galao, adda met dagiti residente a nagbakwit iti kasagsagan ti bagyo kasta met a nakapasar dagitoy iti panakapukaw iti linya ti kuryente ken signal.
Nupay kasta, naisubli met laeng ti kuryente dagitoy.
Kabayatanna, impakaamo ti nasao nga opisyal nga amin a panagregaay a napasamak ket addan a nadalusan ken passable ti Halsema highway.
