Mamulta iti P2 Million dagiti indibidual a mapaneknekan a nagiwaras ken agar-aramid iti palso nga impormasion iti kanito nga agbalin a linteg ti maisaksakad a gakat.
Maibasar iti House Bill (HB) No.3799 wenno “Anti-Fake News and Disinformation Act”, naisingasing ti innem agingga iti 12 a tawen a pannakaibalud ken multa manipud P500,000 agingga iti P2 milion kadagiti indibidual a mapaneknekan a maliciously a nangiwaras iti palso nga impormasion.
Karaman kadagitoy dagiti fake news a mangdadael iti national security wenno diplomatic relations, mangsinga iti eleksion wenno disaster response nga inaramid dagiti public officials, journalists ken influencers nga addaan iti nasurok 50,000 a followers.
Impila dagiti solon-brothers Cagayan de Oro City 2nd district Rep. Rufus Rodriguez ken ABAMIN Party-list Rep. Maximo Rodriguez Jr. ti nasao a gakat.
