Nakasaganan ti munisipyo ti Atok, Benguet para iti paniempo ti panagtutudo.
Iti panakiuman ti Bombo Radyo kenni Atok Mayor Franklin Smith, agtultuloy ti monitoring ti Barangay Agricultural Extension Worker kadua-da ti Department of Agriculture iti kasasaad dagiti mannalon pakairamanan dagiti mula dagitoy tapno dagus a marisut dagiti pakaseknan dagitoy.
Sigun kenni Smith, nasayaat met ti koordinasyon dagitoy kadagiti nagduduma nga ahensiya pakairamanan ti Barangay Disaster Risk Reduction Management Committee (BDRRMC), Municipal Disaster Risk Reduction and Management Council (MDRRMC), Department of Public Works and Highways (DPWH) ken daduma pay.
Innayona pay a napagtalantanan dagiti wagas ti panagsagana dagitoy a maipatungpal bayat a maisagsagana dagiti Search and rescue tools, loader ken backhoe a maaramat iti kanito nga adda ti panagregaay ti daga iti nasao a munisipyo.
Malaksid iti dayta, nangipaay ti nasao a council ti two-way radio tapno masolusyonan ti problema seknan iti nakapsot a signal a maysa a rason ti saan a dagus a panakairelay dagiti impormasyon, kasta met a maaramat iti panawen ti emerhensiya.//Bombo Mera Pacpacan
