Agsagsaganan ti munisipyo ti La Trinidad, Benguet para iti paniempo ti La Niña wenno iti panawen ti panagtutudo.
Iti panakiuman ti Bombo Radyo kenni La Trinidad Mayor Romeo Salda, naangay ti meeting nu sadino pinagtatalantananda dagiti plano dagitoy bayat a nangrugin a nagmonitor ti Municipal Disaster Risk Reduction and Management Council (MDDRMC) kadagiti landslide prone areas ken flood prone areas iti nasao a lugar.
Sigun kenni Salda, dagiti kangrunaan a barangay a makapaspasar iti panaglayos ket ti barangay Puguis, Betag, Pico, Strawberry farm ken daduma pay a paset ti Balili.
Daytoy ket gapu iti panagngato ti danum iti Balili river nu panawen ti panagtutudo.
Malaksid iti dayta, mangituntunda metlaeng ti Bolo Creek iti panaglayos nangruna no ag-merge ti danum daytoy ken ti danum manipud Balili River.
Kabayatanna, kinuna ni Salda nga adda ti naikarga nga apparatus idiay Little Kibungan para iti panakadetect ti earth movement tapno dagus a mapakdaaran dagiti umili nga ag-evacuate.//Bombo Mera Pacpacan
