Agtultuloy ti panagsagana ti Munisipyo ti La Trinidad, Benguet iti posible nga epekto ti Super El Niño.
Sigun kenni Mayor Roderick Awingan, saan man a masulbar ti nasao a pakaseknan ngem inkari daytoy nga aramiden amin ti munisipyo ti kabaelanna tapnu maimanihar a nasayaat ti panangsango iti nasao a pakaseknan.
Impeksa ni Awingan a maysa kadagiti parikut a makitkita ket ti panagkurang ti danum wenno “domestic water”, no sadinno nakapatangda metten ti La Trinidad Water District kasta metten dagiti water deliveries station tapno maadaan ti rationing wenno schedule ti danum tapnu mawarasan iti amin.
Kinuna pay ti mayor a mannarimaan ti pannakarepair ti floodgate sadiay Strawberry farm tapnu mabalin a maaramat ti danum a maurnung manipud sadiay Botiwtiw ken Ladladok spring.
Nangipropose metlaengen daytoy iti pannakagagang ti rainwater catchment a maipaay kadagiti mannalon.
Inlawlawag ti ospisyal nga agtultuloy ti koordinasyon dagitoy iti nagduduma nga ahensya para iti posible nga epekto ti El Niño.
Kabayatanna, agkidkiddaw met daytoy iti kooperasyon ken koordinasyon iti publiko nangruna iti panagtipid iti danum. //via Bombo Noveh Organo
