Nagdesisyon ti Southern Police District (SPD) a pilaanda iti kaso ti agarup 200 nga indibidual a naarestar kabayatan iti tignay protesta a naisayangkat idi kalman, Nobyembre 15, idiay Sucat People’s Park, Muntinlupa City, kagiddan iti panagrugi iti ASEAN Summit.
Tubtubngaren ti nasao a grupo ti implementasyon iti Pax Silica kasta metten iti naituding a panagbisita ni US President Donald Trump iti pagilian inton Nobyembre 17.
Sigun kenni SPD Director Police BGeneral Rodel Pastor, kaaduan kadagiti naarestar ket miyembro iti grupo a Timog Katagalugan.
Daytoy ket gapu ta sumagmamano kadagiti protesters ti maatap a saan a nakikooperar kadagiti pulisya iti namnama a maaddaan kuma iti natalna a protesta.
Sigun kenkuana, immunan a nakisarita ti pulisya iti grupo ngem impilit latta dagitoy a mangipatungpal iti programa ken protesta iti kalsada.
Kabayatanna, imbinglayna a naiturong ti sumagmamano a rayilista iti pagagasan kalpasan a naawanan dagitoy iti puot gapu iti napasamak a komosyon.
Dagiti met naarestar nga indibidual ket temporaryo a naiturong idiay Capital Region Police headquarters idiay Camp Bagong Diwa idiay Taguig.
