Naibalud itan iti Quezon City Jail dagiti naarestar nga opisiales ti Department of Public Works and Highways (DPWH) sadiay Naujan, Occidental Mindoro.
Daytoy ket kalpasan a naarestarda gapu iti kasoda a korapsion, malversation of public funds mainaig iti naanomalyaan a P289-million flood control project iti nasao a lugar.
Naiturong dagiti akusado iti Quezon City Jail male dormitory idiay Payatas,Quezon City idi Nobiembre 24, 2025.
Dagiti aksudo ket pakairamanan da Gerald Pacanan, DPWH regional director; Gene Ryan Altea, DPWH assistant regional director; Ruben D.S. Santos, DPWH assistant regional director; Dominic Serrano, DPWH construction division chief and Bids and Awards Committee (BAC) chairperson; Dennis Abagon, DPWH OIC-chief, Quality Assurance and Hydrology Division, BAC regular member ken Felisardo Casuno, DPWH project engineer III.
Sigun kenni Interior Secretary Juanito Victor “Jonvic” Remulla, kaadduan kadagitoy ket manipud iti DPWH, Region 4B.
Innayon daytoy nga amin dagiti akusado ket addaan ti bukod nga abogado ken impasiguradona ti kinatalgedda bayat nga adda dagitoy iti uneg ti pagbaludan.
