“Kahit ilang beses ako napagod, nalungkot o nadismaya sa mga scores ko during the review, pinag-igihan ko pa rin po sya, binigay ko ang best ko,” dayta ti impeksa ni Dr. Nathaniel Dominic Adriano, ti rank no. 1 iti kaleppas a December 2024 Radiologic Technologist Licensure Examination.
Iti panakiuman ti Bombo Radyo kenni Adriano, kinunana a saan a nalalaka ti nagdalananna nupay kasta, impakatna ladta ti kabaelanna ken saan daytoy a simmuko nangruna ket one step closer daytoy iti arapaapna.
Sigun kenni Adriano, ti tarigagayna idi ket ti agbalin kas Physical therapist ngem iti udina ket pinadasna ti Radiologist sadiay Saint Luis University.
Iti pamilya dagitoy, tunggal maysa ket nakaturpos iti kurso a nakalinya iti medical field gapu ta ti amana ket maysa a licensed Physical therapist ngem agtrabtrabaho daytoy kas maysa a regional sales manager, ti inana ket maysa a licensed nurse ngem iti agdama ket housewife bayat a ti kabsatna ket manarimaan nga agrev-review para iti Medical Technologist.
Kinuna ni Adriano a ti panangammona iti resulta ket babaen iti panangipukaw ti kabsatna a daytoy ket nakapasa ken saan laeng a dayta gapu ta daytoy ti topnotcher.
Impeksa pay ni Adriano a dagiti nagannakna ti nagbalin nga inspirasyonna tapno ituloyna ti panagadalna ken ti panagreviewna kadagiti kanito a mariknana a kaya’tna a bumigay.
Inlawlawag met ni Adriano a ti panagbalin kas radiologist ket maipapan iti panagala iti CT scan images, ti x-ray, ti panag-ultrasound ken daduma pay.
Kabayatanna, impeksana kadagiti agad-adal a nasken ti panagpokusda, ti panagbalin a dedicated, ti panagbalin a consistent uray no narigat ken ti panangipakat iti kabaelan.
“Stay consistent kahit mahirap”
Kangrunaanna, ti panagkamang iti Apo a namarsua gapu ta dakkel daytoy a katulungan iti spiritual well-being ti maysa nga indibidual.
“Magdasal at magsimba malaking tulong ito sa spiritual well being”
