Manarimaan nga imimbestigaran ti Department of Environment and Natural Resources ti construction sadiay Barangay Pucsusan, Baguio City kalpasan a naobserbaran dagiti nadadael a kayo sadiay.
Iti pannakiuman iti Bombo Radyo kenni Baguio City Councilor Betty Lourdes Tabanda, kinunana a manarimaan metlaeng ti monitoring ti City Environment and Parks Management Office iti daytoy.
Sigun kenni Counsilor Tabanda, immuna a kinuna ti Department of Environment and Natural Resources a saanda a sakop daytoy.
Gapu iti dayta, impettengda a ti City Council ti rumbeng a mangipila iti kaso a panaglabsing iti environmental code ti siudad.
Nupay kasta, inaklon metlaeng ti DENR nga adda ti nalabsing ti Sol Marina Incorporated (SMI) seknan iti National Protected Areas gapu iti pannakaddael dagiti kayo.
Iti agdama, ururayen ti City Council ti report ti DENR seknan iti imbestigasion.//mp4
