--Ads--
Inwaragawag ni Senator Francis Tolentino a mapakaalarma ti posibilidad a simrek dagiti foreign submersible drones kadagiti baybay ti pagilian a Pilipinas.
Sigun kenni Tolentino, posible a nagwaras dagiti nasao a foreign submersible drones kadagiti nagduduma a paset ti babay iti pagilian.
Innayon ti nasao nga opisial a dagiti underwater drone ket naikabil iti paset ti pagilian tapno makaala iti impormasion.
Kabayatanna, indatag ti Senate panel iti kaunaan a gundaway dagiti aktual a submersible drones a nasarakan dagiti mangngalap a Pilipino iti Philippine coast.
Maysa kadagitoy a drone, sigun kenni Rear Admiral Roy Vincent Trinidad, Navy spokesperson for the West Philippine Sea ti addaan iti kabaelan a mangipatulod iti signal sadiay China.
