--Ads--
BAGUIO CITY – Nakipaset ti nagduduma a grupo iti pannakaiyuswat ti Keep All Of Baguio Safe and Thriving” thru InterFaith and Inter racial Assembly wenno KABSAT ditoy siudad ti Baguio idi kalman.
Sigun iti Group of Residence Initiative Outreach (GORIO), babaen iti KABSAT ket maitandudo ti panagraem kadagiti residente ken sangaili iti siudad uray nagduduma ti nagtaudan ken pammati dagitoy.
Kinuna pay ti grupo a masapul ti panagtitinnulong ti nagduduma nga ahensia iti pribado ken para publiko a sektor tapno mapagtalinaed ti linak ken kappia iti siudad.
Nakikaykaysa pay iti pannakaiyuswat ti KABSAT program dagiti pannakabagi ti nagduduma a religious group.
