BAGUIO CITY- Agtultuloy latta a bambantayan dagiti otoridad dagiti kaso kas iti panagtakaw, physical injuries, scam ken dadduma pay iti siudad ti Baguio.
Iti pannakiuman ti Bombo Radyo kenni Police Major Harriet Bulcio, kinunana a kaaduan kadagiti nailista dagitoy ket iti kaso iti panagtakaw wenno qualified theft.
Sigun kenkuana kaaduan a mapaspasamak iti panagtakaw ket kadagiti uneg dagiti establisiemento iti siudad.
Karaman met nga imonmonitor dagitoy dagiti balay paginom tapno maliklikan dagiti physical injuries kasta metlaeng dagiti ub-ubbing nga agar-aramid iti saan a nasayaat.
Kabayatanna, nagballaag pay daytoy iti publiko nga agbalin a nasipot tapno maliklikan a mascam dagitoy.
Malaksid iti dayta, makikikoordinar metlaeng dagitoy iti opisina iti Anti-Cybercrime iti siudad tapno macheck ken maimbestigaran dagiti agwarwaras a mangidiaydiaya kadagiti indicent services kadagiti nagduduma a social media.
