BAGUIO CITY – Naitampok ti nagduduma a mula iti manarimaan a Plantito/Plantita Trade Fair iti Igorot Garden ti siudad ti Baguio.
Makita dagitoy kadagiti 12 a pwesto a naibangon para iti trade fair ken tunggal pwesto ket inukupar ti dua a distrito ti Baguio.
Panggep ti aktibidad a maipakita dagiti nagduduma a mula a mabalin a gatangen dagiti naissem ti mula ken maitunos daytoy kadagiti programa ti siudad tapnu maalay-ayan ti stress ken panakaburyong a marikrikna dagiti tattao ita a pandemya.
Nababbaba met ti presyo dagiti lako a mula sadiay gaputa mismo a mula dagitoy dagiti exhibitors.
Karaman kadagiti magatang sadiay ti cactus nga aggatad ti P50-P300; ti poinsettia nga aggatad ti P300-P350 ken dagiti orchids a kas iti symbedium nga aggatad ti P1,500.
Nakalukat ti trade fair iti alas otso ti agsapa agingga iti alas-tres ti malem ken agleppas daytoy ita nga aldaw ti Sabado, Dec. 12.
