BAGUIO CITY – Agtultuloy ti panakarambak ti National Children’s Month iti siudad ti Baguio ita a bulan.
Addaan daytoy iti tema a “Sama-samang Itaguyod ang Karapatan ng Bawat Bata sa Panahon ng Pandemya,” ken maramrambakan daytoy iti 20 a distrito ti siudad.
Kas paset ti okasion, maipatpatungpal ti essay contest contest, poster-making, poetry writing ken video presentation.
Mabalin a maisumitir dagiti entries babaen iti virtual wenno kadagiti opisial ti barangay ken maiwaragawag dagiti nangabak inton Disiembre.
Immunan a kinuna ni City Social Welfare and Development Officer Betty Fangasan a maipangruna iti okasion ita a tawen ti pannakaitandudo ti karbengan dagiti ubbing uray mapaspasaran ti pangta ti COVID-19.
Innayon ni Fangasan a masapul a maipangruna ti kinatalged dagiti ubbing gapu ta maibilbilang dagitoy a vulnerable iti sakit.
