BAGUIO CITY – Inwaragawag ti incoming-Vice Mayor ti Baguio City nga adu ti napagsasaritaanda iti maudi nga taripnong ti konseho.
Iti panakiyuman ti Bombo Radyo kenni incoming-Vice Mayor Faustino Olowan, kinunana a karaman iti napagnumuanda ti renewal dagiti casual nga empleyado ti city council ken mai-endorso daytoy kenni incoming Baguio City Mayor Benjamin Magalong.
Inaprobaranda met ti pondo para kadagiti nagduduma a proyekto ditoy lokalidad.
Dinakamatna a dagiti naaprobaran a gakat iti umuna a panagbasa iti konseho ket maipaima kadagiti sumaruno nga agtugaw kas konsehal ti siudad para iti sumaruno a panagbasa ken para iti naan-anay a panagbalin dagitoy a linteg.
Kinunana pay nga agbalin daytoy a watch line ken urayenna ti addang ti baro a mayor ti Baguio.
Kidkidwenna metlaeng ti supporta dagiti baro a konsehal para iti panagdur-as ti siudad. (-with Bombo Nikki Agsiweng)