BAGUIO CITY – Agtultuloy ti programa ti City Social Welfare and Development Office (CSWDO) para kadagiti ubbing ditoy Baguio.
Iti interview ti Bombo Radyo Baguio kenni Betty Fangasan, dadaulo ti nasao nga opisina, iti baet ti pandemya ket nagtultuloy ti supplemental feeding ken Day Care Program.
Dinakamatna a nagbalin a modular ti panagadal dagiti day care pupils ken tunggal Lunes ket katartaripnong dagiti day care workers dagiti nagannak wenno guardians dagiti ubbing.
Kinunana a ditoy a maisuro kadagiti nagannak ti maaramid iti module tapnu dagitoyen ti mangisuro kadagiti ubbing ken mangigiya iti maaramid kadagiti modules.
Inaklonna met a naksayan ti bilang dagiti enrollees iti day care program ti siudad ken 60-70% wenno agarup laeng iti 2,500 ti nag-enroll manipud iti 4,000 a sigud a bilang dagiti day care pupils iti tinawen.
Innayonna pay nga adda metlaeng ti neighborhood play activity para kadagiti ubbing nga imatmaton dagiti volunteers ken social workers no sadino, maipasyar dagiti ubbing iti parke wenno adda ti alternatibo nga aktibidad para kadagitoy.
