BAGUIO CITY – Nangipatungpal iti tignay-protesta dagiti nagduduma a progresibo a grupo ditoy lokalidad kagiddan iti panakalagip ti maika-48 nga anibersario ti deklarasayon ti Martial Law ditoy pagilian idi 1972.
Sigun kenni Christian Dave, panakangiwat ti maysa a progresibo a grupo ditoy lokalidad; wagas daytoy iti panakipagpariknada kadagiti biktima ti Human Rights violations kabayatan ti rehimen ni sigud a presidente Ferdinand Marcos Sr.
Kinunana nga agingga ita ket napailiwda ti nabunrtog a reporma iti sistema ti Human Rights ditoy pagilian.
Dinakamatna pay a ti mapaspasaran ita a krisis iti pulitiko ken ekonomiya gapu iti COVID-19 pandemic ket repleksion iti epekto ti linteg militar iti sidung ti panagturay ti pamilya Marcos ditoy Pilipinas.
Nupay kasta, mangnamnama latta dagiti makakannigid a grupo nga in-inot a marikna dagiti Pilipino, nangruna dagiti pamilya dagiti biktima ti Human Rights Violations, it reporma iti sistema ti hustisya ditoy pagilian.
Kabayatana, naisayangkat ti tignay-protesta iti Sunshine Park ditoy siudad ti Baguio itay agsapa.
