BAGUIO CITY–Nasken a maipasidong iti theoretical sessions dagiti amin nga indibidual nga agaplikar tapno mangala iti driver’s students license.
Iti panakiyuman ti Bombo Radyo-Baguio kenni Land Transportation Office (LTO) – Cordillera Regional Director Francis Ray Almora, kinunana a sakbay a makaala iti students’ license ket dagiti maseknan nga indibidual ket nasken a maipasidongda iti 15 nga oras a theoritical session a maipatungpal iti uneg ti tallo nga aldaw.
Kinunana met a manarimaan ita ti akredistasyonda kadagiti institusyon a mabalin a pagadalan weno pagrepasuan dagiti interesado iti theoritical course.
Dinakamatna a kalpasan a maipasidong dagiti aplikante itipanagadal ket mabalinen nga agadal dagitoy iti walo nga oras a practical driving course.
No sadino, kinunana ni Almora nga ada iti libre a driving school a maipaay kadagiti aplikante nangruna kadagiti saan a makabael nga agbayad iti babayadan para iti daytoy.
Sigun pay iti opisyal, masapul laeng a mangiparang dagiti maseknan nga aplikante iti barangay certification of indigency dagitoy kas pammaneknek a karaman dagitoy kadagiti nakukurapay a pamilya.
w/ Bombo Janice Juanito